ENGISTUS

ENGISTUS

Dux Saxonum novas sedes quaerentium in Britanniam applicuit, qui quamquam minime Christianus, a Vortigerno, in regni partem exceptus, auxilio ei contra Pictos et Scotos fuit. Didonis dicitur usus astutia, et agrum mercatus, quantum pellis bubula operiret: Hac in tenues postea divisâ partes, urbem cinxit in gyrum, quam suâ linguâ pellis nomine Thoncastel nominavit, quasi Latine dicas corrigiam castelli. Al. Hengistus. Vide ibi.